კომპანია NUEVA-მ, Stonex-ის ოფიციალურ ოფისთან შეთანხმებით, Stonex S850A GNSS მიმღებისა და Stonex SR35 / SR35-E Wireless Data Transceiver გარე UHF რადიოტრანსივერისგან შემდგარი მაღალი სიზუსტის RTK კომპლექსის პრაქტიკული ტესტირება განახორციელა. ექსპერიმენტული გამოცდის მთავარ მიზანს მობილურ ინტერნეტზე სრულად დამოუკიდებელი, ლოკალური Base + Rover ინფრასტრუქტურის მაქსიმალური შესაძლებლობებისა და რეალური სიზუსტის დადგენა წარმოადგენდა.
ტესტირების ფარგლებში საბაზო სადგური ქუთაისში განთავსდა. იდეალური ხილვადობის პირობებში, UHF რადიოკავშირის საშუალებით, RTK კორექციის სიგნალმა 60 კილომეტრიან პირდაპირ მანძილს მიაღწია — ქალაქ ლანჩხუთში როვერმა სტაბილური Fixed რეჟიმი შეინარჩუნა. ადგილზე GeoCORS-ის სახელმწიფო ქსელთან შედარებით კოორდინატულმა ცდომილებამ სულ რაღაც 3.5 სანტიმეტრი შეადგინა, რაც 60 კმ-იან საბაზო მანძილზე შთამბეჭდავი შედეგია. აღნიშნულმა კომპლექსმა ანალოგიური მაღალი ეფექტურობა უკვე აჩვენა ყულევის ობიექტზეც, სადაც ლოკალური საბაზო სადგური SR35 / SR35-E რადიოტრანსივერით 50 კმ-მდე რადიოდაფარვით ოპერირებს.
Multi-Constellation მხარდაჭერით (GPS, GLONASS, Galileo, BeiDou) აღჭურვილი სისტემა უზრუნველყოფს მაღალ სტაბილურობას. აღსანიშნავია, რომ NUEVA-ს ინჟინრები აღნიშნულ RTK კორექციებს პირდაპირ რადიოარხით აწვდიან როგორც საველე როვერებს, ისე DJI Mavic 3 Enterprise RTK დრონს. ეს ტექნოლოგიური უპირატესობა კომპანიას აძლევს სრულ ავტონომიურობას, შეასრულოს უმაღლესი სიზუსტის ტოპოგრაფიული, საინჟინრო და აეროფოტოგადაღებითი სამუშაოები ინტერნეტდაფარვის არმქონე ან გეოქორისთვის მიუწვდომელ ლოკაციებზე.
Last modified: 24/08/2026
